د قرآن ازبک کاتب؛ د ریاض د کتاب د نړیوال نندارتون ځانګړمیلمه
ایکنانیوز د سعودي عربستان د رسمي خبرگزاری (واس) له قوله راپور راکړ، د ریاض د کتاب د ۲۰۲۵کال نړیوال نندارتون د "خوشنویسئ هنر: د سنت او ماډرنایز کولو ترمینځ اړیکه" په نامې سره د سمینار له لارې چې د ازبک خوشنویس او خطاط حبیب الله صالح لخوا وړاندې شو او د عادل خمیس لخوا اداره شو، د ازبکستان خوشنویسی ته ئې ځانګړې پاملرنه وکړه.
حبیب الله په دې سمینار کې خپلې فني تجربې چې د قرآن کریم په کتابت باندې تمرکز لري، وڅېړلې، او د عثماني قرآن پخوانۍ نسخې ته ئې اشاره وکړه چې د هغې په خپل لاس لیکل شوې او په ازبکستان کې د اسلامي تمدن په مرکز کې ساتل کېږي.
هغه همدارنګه د خپلې تجربې په اجمالي کتنې کې چې په ازبکستان او اسلامي نړۍ کې ئې درلودلې، د ازبکستان خوشنویسئ تاریخ په دغه هېواد کې د یوې روښانه فني ښکارندې په توګه وباله.
د قرآن دغه کاتب وویل: ازبکستان د اسلامي فنونو د ملاتړ لپاره، د عربي خوشنویسئ ځانګړي نندارتونونه او ورکشاپونه ترسره کوي او د اسلامي فنونو په چورلیز کې د عربي او نړیوالو مرکزونو سره دملګرتیا یو شمیر تړونونه ئې هم لاسلیک کړي دي.
هغه زیاته کړه: په ازبکستان لویو ښارونو کې څو جشنوارې د اسلامي فنونو او عربي-اسلامي خوشنویسی په موضوع سره ترسره شوي دي.
د قرآن ازبکستاني خوشنویس په پاي کې د خپلې شخصي تجربې په روښانه کولو کې چې د ازبکستان په بېلابېلو ښارونو کې د عربي ژبې تعلیم کې ئې درلودلې، وویل: له ازبکستان څخه وروسته، د علم زده کړې او د عربي خوشنویسئ د پیاوړي کولو لپاره، مې څو عربي هېوادونو ته سفرونه کړي دي.
د یادولو وړ ده چې د ریاض د کتاب د ۲۰۲۵کال نړیوال نندارتون د اکتوبر له ۲ (تلې ۱۰) څخه د "ریاض لوستل کوي" په شعار سره په سعودي عربستان کې د امیره نوره بنت عبدالرحمن پوهنتون کې پیل شوی او د ۲۰۲۵ کې د اکتوبر په ۱۱ (تلې ۱۹) پای ته ورسېد.
د سوریې د خطاط محمد ماهر حاضري، د گلدوزي شوی قرآن په دغه نندارتون کې نندارې ته وړاندې شو. دا سوریه وال خوشنویس، دولس کاله په ټوکر باندې د قرآن د آیتونو د گلدوزۍ لپاره لګولي دي او یو خلاقانه اثر یې پنځولی چې د قرآن د خوشنویسئ ویاړ ئې خپل کړی دی.
https://iqna.ir/fa/news/4310230
